Khunkhar Naxalite Shakuntala ka aatm-samarpan
Durdant mahila Naxalite Shakuntala urf Gupta ne Kolkata Police ke samne aatm-samarpan kar diya hai. Is ghatna ne Jharkhand ke itihaas ke ek kale panne ko phir se khol diya hai. 19 saal pehle, isi mahila Naxalite ne Jamshedpur ke sansad Sunil Mahato ki berehmi se hatya kar di thi.
Football maidan mein khooni khel
Yeh ghatna 4 March 2007 ki hai, jab Purvi Singhbhum ke Bakariya gaon mein ek football match chal raha tha. Mukhya atithi ke taur par pahunche Sunil Mahato par Naxalite dasta ne achanak hamla kar diya. Is firing mein Sunil Mahato, unke 2 bodyguard aur JMM ke 1 sthaniye neta ki maut ho gayi.
Shakuntala ka manviyata ko sharmsar karne wala jashn
Hamle ke baad Shakuntala ne jo kiya, usne sabko dehla diya. Usne mrut sansad ki chhati par chadhkar jashn manaya aur hawa mein hathiyar leharaye. Iske peeche ka mukhya karan Langoi gaon mein graminon dwara 11 Naxalites ko mar girana tha. Shakuntala apne un 11 sathiyon ki maut ka zimmedar Sunil Mahato ko manti thi.
Bachpan se hi aparadh ki duniya mein kadam
Shakuntala mool roop se West Bengal ke Jhargram ke Belpahari ki rehne wali hai. Usne mehez 10 saal ki umra mein hi Naxalite sangathan join kar liya tha. Police ko chakma dene ke liye usne Varsha, Pari aur Gupta jaise kai naam badle. Saal 2005 mein usne sangathan ke squad commander Atul Mahato se shadi ki thi.
https://hindi.news18.com/news/jharkhand/jamshedpur-notorious-naxalite-shakuntala-surrenders-in-kolkata-linked-to-mp-sunil-mahato-murder-case-local18-ws-l-10589897.html